Ximiélgalo Radio Show. Ep. 109 Orange Street Vol. 3 2q263l

Nesti especial ximielgueru tornamos a la caí del ritmu de Kingston na so dómina más gloriosa. Entamamos falando de Clement "Coxsone" Dodd quien tuvo el so cuartel xeneral en Orange Street y facemoslo al son de los Heptones, Rico Rodríguez y los Skatalites y Delroy Wilson. Nesti capítulu Caveman relatanos varios extractos del llibru "Catarsis Rocksteady" de Lucho Pérez entamando con uno de Roy Shirley rellacionau con esta arteria musical. Dempués de sintir una producción de Bunny Lee (otru illustre de Orange) y facer recordatoriu de lo relatao nos anteriores especiales de la cai Naranxa, pasamos a repasar la figura de la gran dama de Beat Street, Sony Pottinger. Esti repasu facemoslu al calor de cancios de The Prince Brother, Brent Dowe, Ken Boothe, Marcia Griffiths y Sonya Spence. Y pa pesllar esti prestosu capitulu ximielgueru pasamos a la actualidá con cancios de novedub de The Tighters con Lone Ark, Kumar xunto a 18th Parallel y de Nina Girassois xunto a Paulera Reggae en un trabayu de Dubquake Music. 2p181p