Mariña Marabillosa 4la12

Rematamos os 16 programas falando do concello de Barreiros. Estiveron connosco o Alcalde, Alfonso Fuente; Sandra Amieiro, do Arco da Vella; Tamara e Melody, de Ollomao; Belén Antolín e Toño Folgueira, de Mar e Monte; Mari Paz, Presidenta da Coral Polifónica de Barreiros, e Alfonso, do Club Prais de Barreiros de fútbol sala. Falamos co actor Antonio Mourelos, que veranea en San Miguel, e repartimos agasallos en forma de estancias en A Lume Manso e Hotel O Vendaval.

No penúltimo programa de Mariña Marabillosa falamos de Trabada, un concello pequeno e montañoso, pero tamén fermoso. Falamos con Mayra García, a súa Alcaldesa; con Israel Edrosa, Presidente da Asociación Cultural O Picato; con Salvador Díaz-Echevarría, propietario de Casa Quitapenas; con José María Portela, antigo músico da famosa Banda de Vidal, con Daniel Villapol, coñecido madeirista de Trabada, e con Celso Currás, antigo Conselleiro de Educación da Xunta de Galicia.

Do concello veciño do río Eo falamos con Fernando Suárez Barcia, o Alcalde; con José Ramón Branco (propietario de "Terra Branca"); con Hugo García Presno (Director da Escola de Música), con Ana Vázquez (Presidenta do Ribadeo CF). Tamén falamos con Cristina Torviso, propietario do hotel Mi Norte de Ribadeo, que regalaba unha estancia para dúas persoas.

Para fañar dp Valadouro tivemos connosco a Edmundo Maseda (Alcalde), Eduardo Chao (Concelleiro de Cultura), Luís Maseda (Concelleiro de Medio Rural), Marifé Sixto (Mel O Trobo), Simón Rubal (Motoclub), Miguel Vila (xornalista, escritor e gastrónomo), María Hermida (Hotel Vila do Val) e Enrique Geada (unión de empresarios APRODECO).

Percorrido polo concello de Lourenzá: cultura, economía, festas, xente, monumentos, marabillas... Falamos con Manuel Arango, Tenente de Alcalde, con xente da Asociación Osorio Gutiérrez, Terras da Mariña... Conversamos con Vidal Martínez Sierra e Miguel Gavín, cos teatreiros de Os Trangalleiros. Falamos da importancia da música no pasado do concello e das actividades da ACIAL. Analizamos a faba, produto gastronómico estrela. Escoitamos música de Lino Rico e outros.

Sobre Foz falamos co seu Cronista Oficial, Suso do Bahía. Co Conde de Fontao, volcado co concello onde ten o seu pazo. Cos teatreiros Toñita García, José Ramón Vila e Marcos Fernández. Coas compoñentes das comparsas Lucía e Sofía (Farangullas), Ana e (Sen Xeito) e Nuria (Ruxe Ruxe)., co ex alcalde Pepe Ribera, Presidente do Club Deportivo Foz e propietario do Illa Nova Hotel. E tamén con Moncho e Mari, da confitería Anduriña, e con Suso Casabella, da comunidade de veciños de Cangas.

Falamos da vila episcopal, da antiga capital da provincia que abarca A Mariña, coa súa Alcaldesa, Elena Candia; con Paco Piñeiro (home da cultura), Antonio Reigosa (Cronista Oficial), José Bello (Reitor do Seminario), Carlos Folgueira (Príncipe das Tartas), Reme Espantoso (deseñadora), Luís Fernández Ansedes (propietario de Finca El Remanso, que regalou unha estancia)

Programa de promoción turística dedicado ó concello de Cervo, coa presenza do seu Alcalde, Alfonso Villares; Francisco Fra, carpinteiro de ribeira; Paco Piñeiro, home do teatro e da cultura, Alberto Moreda, responsable de márketing de Sargadelos; Alberto, organizador do Festival Gadélica; Rafa Blas, de Airiños do Xunco, e David Cal, mellor medallista olímpico español, que adestrou uns anos en Cervo.

Pequeno concello do occidente mariñán. Para coñecer cousas sobre el falamos con José Luís Pajón, o Alcalde, con Pacolo, o Concelleiro de Turismo; con Sandra, do Mesón A Garita; con Esmeralda, do grupo de teatro de Bravos; con Maricarmen, da asociación cultural Aturuxo; con José Antonio Carballido, veciño polifacético; con Melita, a única muller taxista do concello; con Carlos, Presidente da Asociación de Veciños de Bravos, e con Arís, responsable do fútbol no concello.

Falamos das belezas do Vicedo, o concello máis occidental da Mariña Lucense, co seu alcaldde, Xesús Novo; co técnico de turismo Hugo; coa recanteira Lara Rodríguez; coa artista polifacética Andrea Pereira; coa xente do fútbol Domingo, Alberto e Saúl, e co xornalista afincado no Vicedo Ernesto Sánchez Pombo. Tamén agasallamos cunha cea ou comida no restaurante O Asador de Viveiro e falamos con Enrique, o seu encargado. A música foi da asociación "Os do 21" e con Lara Rodríguez.

No centro de poder do lendario Mariscal Pero Pardo de Cela atópase o castelo do Castrodouro, orixe do concello de Alfoz. Co Alcalde, Jorge Val, co Concelleiro de Turismo, Xabier Pardiñas, e con veciños implicados en diversas facetas culturais do concello, falamos do que se fai e do que hai en Alfoz. Tamén contamos coa presenza do famoso actor Manuel Lourenzo, que veranea sempre en Vilaúde. E regalamos unha estancia en Casa Fandín, da Devesa, que nesta ocasión se foi para unha votante de Vilaronte.

Hoxe falamos de Viveiro con moita xente. A Concelleira de Turismo, Sol Rey, estivo connosco, e taménVíctor Valenzuela, Presidente do Centro Comercial Histórico de Viveiro, e Teresa Penabad, Presidenta da Coral Alborada de Viveiro. Por teléfono falamos coa Alcaldesa, María Loureiro; con Jose Pereira, do Hotel Las Sirenas; con Eduardo Míguez, Director Adxunto do Porto de Celeiro e con Toñito de Soomede, o noso reporteiro particular. Hoxe falamos da terra do Landro.

Co Alcalde de Burela, Alfredo Llano; cos Concelleiros de Turismo e Cultura, Ramiro Fernández e Jose Díaz; con xente da ACIA (Pablo Palou), do colectivo caboverdiano (Antonina Semedo), da Escola de Música (Irina Simkina), da Asociación Cultural Ledicia (Rocío Rivera) e co propietario de Casa Miranda (José Manuel Prieto), conversamos sobre Burela, coñecémola, e repartimos agasallos que demostran que a nosa Mariña é marabillosa.

Multitude de veciños da Pontenova, uns en persoa e outros vía telefónica, demostráronnos co seu testemuño que a implicación da cidadanía neste concello é algo irable. Todos loitan unidos por conseguir o progreso e as melloras no seu concello. Falamos de natureza, de motor, de deportes, do río Eo e de moitas cousas máis. E regalamos unha nova estancia, nesta ocasión na Casona da Labrada, situada entre A Pontenova e Taramundi, na veciña Asturias

Coñecemos o concello de Riotorto, da man de Clemente, o seu alcalde; Marta, a súa técnica de emprego; o ferreiro Manolo; a pasteleira Tere; Cecilia, Directora da Coral do concello, e Luís Iglesia, famoso actor e cantante galego, veciño de Riotorto. A famosa tarta de améndoa, as cascadas, as paisaxes, a igrexa vella de San Pedro, o Castro da Coroa... e moitas cousas máis. E, sobre todo, o traballo dos ferreiros, fonte de riqueza, arte e tradición.

Comezamos a nosa andaina turística pola Mariña Lucense da man das tres emisoras locais: Radio Burela, Radio Valadouro e Radio Foz. Un primeiro programa no que falamos das marabillas que hai no concello de Xove, un concello mariñán por excelencia, a medio camiño entre Burela e Viveiro, un paraíso natural con moita historia.