Iraganeko Kronikak - LBP 1m3j38

Euskal Herriko marinel handien historia berriak ekarriko ditugu gaurkoan Iraganeko Kronikak saioan. Aspaldi Elcanorekin egin genuen bezala, oraingo honetan Andres de Urdanetak eta Pascual de Andagoyak izandako abenturen berri emango dizuegu. Hala bazan ez bazan, has gaitezen kronikan.

XIX. mendeko gerretako irudi gutxi ditugu, baina badira Bigarren Karlistaldietako soldaduen argazkiak, Jose Lejarreta argazkilariak eginikoak hain zuzen ere. Bere bizitzaren berri izango dugu gaurko Iraganeko Kroniketan.

Euskal Burdin Arora bidaiatuko dugu berriz Iraganeko Kroniketan, oraingo honetan heriotz erritoei buruz hitz egiteko, harrespilei buruz, hain zuzen ere. Ongietorri euskaldunen arbaso zaharren hilerrietara. Hala bazan ez bazan...

Euskal herritarrek 2. Mundu Gerran izan zuten parte-hartzea berriz ekarriko dugu gogora Iraganeko Kronikak irratsaioaren emanaldi honetan. Borroka hegazkinetan pilotu aritutakoak izango dira protagonistak oraingoan, aliatuen zein naziekin ibilitakoak.

Bermeora joango gara bere ondarea ezagutzera. Bizkaiko herri horretan, XIV. mendetik aurrera, frantziskotarrek eliza garrantzitsu bat eraiki zuten. Has gaitezen kronikan...

Iraganeko Kronikak irratsaioan, euskal herritarrek 2. Mundu Gerran izandako parte-hartzea ekarriko dugu gogora, Xabier Martin BERRIAko kazetariak eginiko erreportajeak oinarri hartuta.

Iraganeko Kronikak saioan Elorrioko historiari birpasa egingo diogu, Arginetako nekropolia eta bere inguruak bisitatzen. Hala bazan ez bazan, has gaitezen kronikan...

Gure irratsaioaren baitan Euskal Herriko historiari eskaini genien atal apurrak berreskuratzen jarraitzen dugu. Oraingoan Iraganeko Kroniken hirugarren atala dakarkizuegu, Latinoamerikako "Askatzaile" izendatu zuten Simon Bolivarren jatorri euskaldunaren inguruan.

Hona hemen Iraganeko kronikak saioaren bigarren atala, LBPren 10. urtemugararen harira berreskuratuz joango garena. Euskararen ikerketa sakon eta modernoenetako bat egin zuen Luis Luziano Bonapartek XIX. mendean. Aurreneko euskalkien mapa egin zuen, eta horretarako hainbat aldiz bidaiatu zen Euskal Herrira. Napoleon Bonaparteren iloba hizkuntzalari trebea izan zen, eta bere lanek emaitza oparoa eskaini diote euskararen ikerketari.

- La Biblioteca Perdida irratsaioaren 10. urtemugaren harira, dakizuenez, aurreneko saioak berreskuratzeko lanean ari gara. Tartean, euskaraz sortu genituen Iraganeko Kronikak deritzonaren atalak ere eskuragarri jarri nahi ditugu. Hona hemen aurrenekoa, Elkano marinelaren inguruan, eta bere garaian idatzitako sarreratxoa: LBP Liburutegi Galduaren eskutik, Iraganeko Kronikak saio berria izango da euskal entzuleekin. Astero, Euskal Herriko historiako pertsonaiak, gertakizunak eta lekuak ekarriko ditugu gogora. Abentura honen lehen protagonista Juan Sebastian Elkano marinela izango da.