Alegría Cuac FM o5y1u

Hoxe, entre Isa Lema e Tomi Desastre (culpable da realización técnica) realizamos este terceiro programa da 13ª tempada. Comezamos falando sobre as Marchas da Dignidade (a galega cara ao Obradoiro) do sábado 24 de outubro. Tamén tivemos tempo para comentar unhas xornadas sobre movementos sociais e software libre na Cidade da Cultura e acabamos felicitando a Radio Kras de Asturias que recibiu a boa nova de que un expediente sancionador que lle abriran foi desestimado pola propia istración. A loita dos medios comunitarios segue tendo base sólida para defendernos! Alegría!

Hoxe comezamos falando da piscina municipal descuberta que temos na Coruña pero que non está operativa, despedimos a Combo dinamo que onte anunciaban a sua disolución. Falamos con Pablo Mella, fotógrafo e arquitecto. Comentounos que hai que visitar a Illa de San Simón, si ou si. Buscade na web de Turismo de Redondela. Tamén falamos sobre un concerto solidario este venres 26 no Ágora. Alí actuarán SLAM y Octopus' Garden homenaxeando a The Doors e The Beatles e recollendo alimentos para o Banco de Alimentos. Tamén tivemos econova adicada a recomendacións para o San Xoan.

2015 é o Ano Internacional do solo e hoxe adicamos un minutos interesantes a falar cun dos maiores expertos galegos sobre a materia. O programa comezaba brindando polos 20 anos que cumplira a nosa asocación cultural, o Colectivo de Universitarios Activos o día antes do programa, o 15 de xuño. Falamos tamén con Xosé Luís Sobrino que dende Betanzos nos contaba que querían recuperar a radio municipal para a cidadanía. Agora está pechada. Dalle a play!

Hoxe despertabamos coa nova do falecemento de Pedro Zerolo e fixemos un breve comentario para comezar o programa. A entrevista do día foi con María Seijo de CIGA Saúde. Explicounos as consecuencias do peche de case un 20% das camas nos catro hospitais que temos na cidade e o seu entorno e como se derivan fondos á sanidade pública. Tamén comentamos os choio que teñen por diante os membros da Marea Atlántica, nin máis nin menos que 486 asuntos en marcha que teñen que resolver do anterior governo municipal.

Hoxe falamos con Carlos Iglesias, un dos vocais de Alcer (http://www.alcercoruna.org/) e aprendimos da importancia de que todo o mundo doe órganos pero sobre todo de que a familia saiba que queres doar e non cambie de opinión no último momento. Tamén tivemos econova, unha idea sobre videotutoriais sobre as posibilidades da Terceira Ronda e tamén sobre a concesión do edificio do Hotel NH Atlántico. Programón!

Hoxe, segundo día dunha nova etapa na cidade cun governo municipal formado por persoas que ata hai pouco non estaban na política activa, falamos con María García Gómez e Daniel Díaz Grandío, novos concelleiros dende o pasado domingo pola Marea Atlántica e que ían nos números 9 e 10 da candidatura. Tamén chamamos a André Pastor, un dos fundadores de Radio Filispim a nosa emisora irmá de Ferrol que están celebrando 10 anos de vida. Moito mérito. E algunha cousiña máis.

Entrevista realizada no programa do 19 de maio, 5 días antes de que a Marea Atlántica gañase as eleccións na cidade da Coruña por 4 votos ao partido popular. Non se falou demasiado de política, pero cremos que pode resultarvos interesante coñecer a quen vai governar a cidade co seu equipo nos vindeiros anos.

Hoxe, con todo o equipo de Alegría, falamos con Xulio Ferreiro candidato da Marea Atlántica á alcaldía da nosa cidade. Tamén tivemos uns minutos para a Econova de Bea Ulalume e un par de cancións. E animamos a que o día 24 todo o mundo vaia a votar!!

Alegría adicou este programa en gran parte a entrevistar (por teléfono por un asunto de última hora) a Yoya Neira, candidata do PSOE (nº5) ás eleccións municipais. Por suposto, comentamos outros asuntos de actualidade. Tiñámos a Mariano e Bea de vacacións así que contamos coa colaboración de Chema Casanova nos mandos técnicos.

Programa adicado a falar con María Xosé Bravo, concelleira do BNG na cidade da Coruña. Unha entrevista na que tocamos moitos temas comezando pola importancia dunha boa educación. Tamén comentamos un "detalle" que tivo La Voz de Galicia con Carlos Negreira (antigo traballador do xornal) o pasado domingo e rematamos falando brevemente dunha "mentirijilla" na que pillaron a Esperanza Aguirre, que afirma que non tolera a mentira. A disfrutalo, compartilo... Contamos hoxe coa inestimable axuda de Chema Casanova nos mandos técnicos do programa. Grazas Chema! Ah, e dimos a noraboa a A Fume de Carozo (programa polo que teñen pasado moitos rapaces e rapazas por primeira vez diante dun micro) e a Roberto Catoira o seu impulsor e técnico porque hoxe cumplían 6 anos en antena.

Programón! Con todo o equipo no estudio e comezando como se tivesemos comido algo raro, falamos con calma con Carlos Villar, director de Ecos do Sur sobre un proxecto no que están a traballar no Agra do Orzán. Tamén comentamos o problema dos tipos de interés en préstamos exprés. Por último comentamos moi brevemente a enquisa da Voz sobre as eleccións locais e tamén anunciamos un monólogo de Chusco Somoza. Pulsa play e divírtete (a aprende).

Hoxe entrevistamos á xente de AGARESO que nos falou dun proxecto educativo moi chulo que teñen con 600 rapaces neste curso, utilizando a radio como unha das técnicas educativas. Tamén comentamos o proceso que viviu a formación política Ciudadanos dende febreiro ata a elección do seu candidato á alcaldía. Por último, a Econova de Bea Ulalume. Alegría!

No Alegría de hoxe falamos sobre a privatización da sanidade pública co médico Pablo Vaamonde co-autor do libro A saude como negocio. Non perdas a entrevista. Comentamos uns whatsups enviados pola posible candidata a alcaldía da Coruña por Ciudadanos a un deputado do PP (ex concelleiro en Coruña no governo de Negreira). Tivemos tamén unha breve conexión telefónica con Pepe Lado do Proxecto Cárcere para falar do Encontro da Rede Transibérica de espazos culturais autoxestionados. E rematamos con econova. Case nada!

Tras un parón por Semana Santa, regresamos co equipo ao completo. Hoxe falamos con Fran que xunto ao seu irmán Guille inauguran hoxe a nova tenda de instrumentos Rock Box. Sempre é unha boa nova que un negocio local aumente de tamaño. E a entrevista no estudio foi con duas representantes de Médicos do Mundo en Galicia que fan un traballo impagable para que se cumplan os Dereitos Humanos na sanidade e que tódalas persoas sexan atendidas cando estan enfermas. Para rematar, unha Econova molona. Tamén escoitamos a B.B. King, que hoxe estaba ingresado nun hospital aos seus 89 anos.

Alegría! Xa temos nova sesión falando do Fracking, e da convocatoria dunha manifestación en defensa da Sanidade Pública Galega este xoves 19 ás 20 horas (saida da Casa do Mar). E da operación Pokemon, e da Gürtel e tivemos Econova con moitos espazos nos que podes mercar productos ecolóxicos...

Programa moi interesante o de hoxe con duas entrevistas nas que podemos aprender un montón de cousas. Ramón Núñez, economista e membro do Consello de Contas na primeira parte do programa. E nos últimos minutos falamos co presidente de AGARESO (Asociación Galega de Reporteiros Solidarios) Juan de Sola sobre a sua tarefa.

Hoxe tivemos entrevista con María Xosé Martínez, vicerreitora de Estudantes Cultura e Deportes e Claudia Delso, unha das dinamizadoras dun encontro entre estudantes e titulados da UDC que se celebra este sábado como un dos actos do 25 aniversario da UDC. Tamén tivemos Econova e boa música. Disfruta!

Hoxe en Alegría falamos da Marea Atlántica (min 16 máis ou menos) e do problema laboral dos 117 traballadores da empresa editorial de El Ideal Gallego, DXT, Diario de Arousa...(min 48 aprox) Tamén fixemos unha introducción plantexando varios temas de interese. E felicitamos a Bea e a Mariano que cumplen anos!

Hoxe entrevistamos a tres representantes da candidatura Claro que Podemos no círculo de Podemos en Coruña. Explicaron a fase na que se atopa agora este partido político. Sabías que podes votar para escoller á Secretaría Xeral e as 20 compoñentes do Consello Cidadán que lles corresponden a nosa cidade se te inscribes (sen custe) antes do 30 de decembro.

Alegría hoxe tivo a todo o equipo en antena. Falamos moito de casos xudiciais interesantes. Un funcionario de prisións que gravaba conversas delicadas e que posiblemente nos tivesen soprendido moito se as coñecesemos por cauces legais... Econovas interesantes e algunhas recomendacións de onde mercar en nadal comercio xusto (e o resto do ano).