#00.- Enkantea trailerra: Enkantearen misterioa 23215r

Enkantea misteriozko soinu fikzioa, 2024ko Abenduaren 3tik aurrera eskainiko dizu EITB Podkastek. Hodei Arrastoa eta Garazi Urkolak idatzitako sorkuntza, EITB Mediak eta Tabakalerak sortutako Audiogile berrien 2024ko sarian, bigarren postuan geratu zen eta zortzi ataletan banatuta eskainiko dizugu EITB Podkasten. Ekoizpena, Donostiako LERA estudioetan egina da.  Galarreta andereak hainbat pertsona gonbidatzen ditu bere jauregian burutuko den enkantera. Bertan haren senar zenak hil aurretik sortu zuen bitxi preziatuena jarriko da eskuragai; luma forma duen diamante urdinaren lepokoa, zehatz esateko. Enkantean hasi aurretik, ordea, bitxia desagertu egingo da. Nor ote da lapurra? Gonbidatuen artean dagoen Otxoa ikertzailea kasua argitzen saiatuko da. Misterio podcastaren gidoia eta zuzendaritza, Hodei Arrastoa eta Garazi Urkolak burutu dute. Aktoreak berriz, Sara Cozar, Tessa Andonegi, Loli Astoreka, Unai Arana, Aitziber Garmendia, Hodei Arrastoa, Garazi Urkola, Kepa Errasti, Iñaki Beraetxe eta Nahia Sillero dira. Soinu diseinua eta nahasketa, Haritz Letek egin du, soinu banda Nerea Alberdi eta David Sánchez Damiánek sortua da eta artea Unai Lizarzaren esku egon da.     3i4x