EP89 - AskDeveloper Podcast - لقاء بمناسبة ا 2r4k4q

نحتفل النهاردة معاكم بحدث استثنائي في مشوار EgyptianGeeks, جروبنا وصل لـ ١٠٠ ألف عضو 🎉🎉، وكل واحد فيكم كان جزء من الرحلة دي. الجروب ده اتأسس علشان يبقى مساحة مميزة للمتمرسين والمحترفين في مجالات البرمجة وتكنولوجيا المعلومات. هدفنا كان دايمًا إننا نوفر محتوى غني بالتفاصيل ونقاشات تساعد الناس اللي جادة في تطوير مهاراتها للوصول لمستويات أعلى من خلال محتوى غني بالتفاصيل ونقاشات تقنية عميقة. رحلتنا من 2010 شفنا صعود وهبوط في مستوى وجودة المشاركات، وسمعنا أراء وتقييمات من ناس كتير منكم إن المحتوى بقى أقل احترافية في بعض الأوقات. وده حقيقي، إحنا بنقر بإن فيه فترات الجروب مر فيها بتراجع في جودة المشاركات، لكن دايمًا عندنا هدف إننا نرجع للطريق الصح قدر المستطاع. وبفضل دعمكم المستمر بالمحتوي والنقاشات والجدال البناء احياناً😃، قدرنا نوصل للنقطة دي ولعدد لم يكن في توقعاتنا لما بدأنا الجروب من ١٤ سنة. شكراً لحضراتكم جميعاً, شكراً لكل عضو شارك، أو كتب، أو حتى إكتفى بمتابعة النقاشات. أنتم اللي بتخلوا EgyptianGeeks مكان مميز, وبدعمكم المستمر هنكمل ونخلي الجروب دايماً مصدر إلهام ومكان لكل المحترفين التقنيين. 5i3v36